Vanessa Toré
Vanessa Toré ta un siribidó públiko dediká, ku un trayektoria impreshonante den desaroyo ekonómiko i koperashon internashonal. Komo direktor di Sekshon di Koperashon Ekonómiko Internashonal na Ministerio di Desaroyo Ekonómiko di Kòrsou (MEO), e tin un papel klave den implementashon di nos Strategia Nashonal di Eksportashon, ku ta buska diversifikashon i fortalesementu di ekonomia di Kòrsou.
“Ekonomia Fuerte, i un Pais Hustu”
E Meta di Vanessa Toré!
Durante su karera di 17 aña na Kamara di Komèrsio i 13 aña den Gobièrnu ela traha inkansabelmente pa yuda engrandesé sektor komersial di Kòrsou ku atenshon spesial pa desaroyo di eksportashon, atraé invershonista internashonal i stimulá desaroyo duradero. Pa esaki ela a kontribuí na mihó kolaborashon entre sektor públiko i privá, lokual ta oumentá e potenshal di eksportashon di nos pais. Vanessa su kompromiso ku inovashon ta bisto den su trabounan den Curaçao Smart Nation Platform, ku tin komo meta yuda nos pais avansá teknológikamente. Aparte di esaki, Vanessa ta dirigí EU Desk Curaçao, un divishon di MEO ku ta yuda organisashonan lokal hasi uso di fondonan Europeo.
Den su tempu liber Vanessa ta duna aporte na diferente organisashon sosial, manera 100 women who care, i anteriormente na Padvindsters Vereniging i Jazz Island Promotion Curaçao.
Den su bida privá Vanessa ta hopi sosial i aktivo den su sirkulo di famia i amistat.
Komo kandidato #14 riba lista di partido MAN/Pin pa elekshon di parlamento di 21 di mart 2025, Vanessa Toré ta kla pa sigui usa su eksperiensia i dedikashon pa yuda goberná nos pais i realisá un desaroyo ekonómiko sostenibel i prosperidat pa tur hende.
Vanessa Toré:
Pa un Kòrsou mas fuerte, uní i hustu.
“Mi a nase na Otrobanda i aktualmente ta biba den bario di Mahuma. Mi pashon ta pa sirbi mi komunidat i mira mi pais bai dilanti. For di chikí, mi a siña e balor di trabou duru i komunidat. Mi karera a kuminsá ku un pregunta:
‘Kon nos por desaroyá nos pais.’
E pregunta ei a guiá mi pa traha ku empresario lokal, identifiká oportunidat di eksportashon, i desaroyá strategianan pa sektornan manera:
-
Turismo
-
Industria lokal
-
Energia sostenibel
-
Teknologia
-
Agrikultura
Aktualmente nos ta na e punto ku mester wak kon ta hasi Kòrsou mas resiliente. Mi lucha ta pa sigurá ku kada sektor di nos ekonomia tin oportunidat pa floresé—i kada yu di Kòrsou tin un futuro digno.”
Nos futuro ta dependé di nos akshon!
Diversifikashon di ekonomia ta krea oportunidatnan nobo. Ata aki 5 aktividat lokal ku potenshal di mas benefisio mutuo di un integrashon i koperashon ku Turismo:
-
Industria lokal; bende mas produkto lokal ku sektor di turismo.
-
Artesanonan lokal; produkshon di suvenir di kalidat ku por bende ku turista.
-
Artistanan lokal; por ofresé mas aktividat i evento pa turista.
-
Turismo den bario; habitantenan di barionan típiko manera Otrobanda por bende produkto i ofresé aktividat na turistanan den nan bario.
-
Eventsplanners lokal; por desaroyá aktividat nobo ku nan ta ofresé na turista.
WHY US
This is a Space to Share More About the Business.
